பெத்தேல் எழுப்புதல் சபை பற்றி

நான் பாஸ்டர் சாமுவேல் ஆசிர்வாதம். இந்த சபையின் போதகராக ஊழியம் செய்து வருகிறேன். எல்லா ஊழியங்களும் தேவனால் ஏற்படுத்தப்பட்டவை; அவற்றை தேவனே நடத்தி வருகிறார் என்பது அனைவரும் அறிந்த உண்மை.

இந்த ஊழியம் 06 மார்ச் 2016 அன்று ஆரம்பிக்கப்பட்டது. ஏர்வாடி ஏஜி சபையின் போதகராக இருந்த Rev. Y. ஐசக் அருள்ராஜ் அவர்களால் இது தொடங்கி வைக்கப்பட்டது. அவர் என் தாய்மாமா ஆவர். அவரிடம் மூன்று ஆண்டுகள் உதவி ஊழியராக பணியாற்றிய அனுபவம் எனக்கு உள்ளது.

இந்த ஊழியத்தின் பின்னால் ஒரு விசேஷமான சாட்சி உள்ளது. என் தாயார் திருமதி மரியாள் டேவிட் அவர்கள் சிறு வயதில், இயேசு யார் என்பதே தெரியாத காலத்தில், தேவன் ஒரு தரிசனம் அளித்தார். அந்த தரிசனத்தில், இன்று சபை இயங்கி வரும் அதே ஸ்தலத்தில் பிசாசுப் பிடியிலிருந்தவர்களை விடுதலை செய்யப்படுவதை அவர்கள் கண்டார்கள்.

சிறு வயதில் காணப்படும் சொப்பனங்களும் தரிசனங்களும் பல நேரங்களில் மறந்து போகலாம். ஆனால் அந்த ஒரு தரிசனம் அவர்களுக்கு ஒருபோதும் மறக்கப்படவில்லை. காலங்கள் கடந்தன. இன்று சபை இயங்கி வரும் ஸ்தலம், அவர்கள் தரிசனம் கண்ட அதே இடமாகும். அந்த இடம் முன்பு அவர்கள் வாழ்ந்த தோட்டமும், அவர்களது தகப்பன் வீடும் ஆகும். இன்று அது எல்லாருக்குமான தகப்பன் வீடாக, "பெத்தேல் எழுப்புதல் சபை"யாக மாறியுள்ளது.

தேவனுடைய அநாதி தீர்மானமும் அவருடைய திட்டமும் மட்டுமே நிறைவேறும் என்பதற்கு இந்த சபையும் இந்த ஊழியமும் சாட்சியாக நிற்கின்றன. தலைமுறைகளைத் தாண்டியும் தமது திட்டங்களையும் தரிசனங்களையும் நிறைவேற்றும் தேவன் மகிமைக்குரியவர்.